kraamaat@gmail.com
+ +92 333-430-6384


سپریم کورٹ وچ وزیر اعظم دی نااہلی لئی درخاست کیوں جمع ہوئی؟ـــــــرویل نیوز


نمائندا رویل March 08, 2020


کراچی(نمایندا رویل )سپریم کورٹ وچ وزیر اعظم عمران خان نوں جھوٹھے وعدیاں اُتے نااہل قرار دوان لئی درخاست جمع کروا دتی گئی۔میڈیا رپورٹس دے مطابق انتخابی وعدے پورے نہ کرن اُتے وزیر اعظم عمران خان دے خلاف سپریم کورٹ کراچی رجسٹری وچ درخاست جمع کروا د تی گئی۔ درخاست وچ الیکشن کمیشن تے وزیر اعظم نوں فریق بنایا گیا اے۔ وزیر اعظم عمران خان خلاف ایڈووکیٹ احسان علی بھٹو نے نااہلی لئی درخاست دایر کیتی اے۔ درخاست دے متن وچ آکھیا گیا اے کہ وزیر اعظم عمران خان نے انتخابی مہم وچ لوکائی نوں 100دِناپروگرام دتا، لوکائی نال وعدے کیتے کہ لوکاں نوں روزگار دتا جائے گا، غربت ختم کیتی جائے گی،پر وزیر اعظم دا اک وعدا وی وفا نہ ہویا ،سگوں وزیر اعظم دے جھوٹھے وعدیاں پاروں لوک خدکشیاں کر رہے نیں۔درخاست وچ ہور آکھیا گیا اے کہ وزیر اعظم نے الیکشن وچ اک کروڑ نوکریاں تے 50لکھ گھر بنان دا وعدا کیتا سی پر اوہ وی پورا نہیں ہویا، ایس لئی وزیر اعظم نوں نااہل قرار دتا جائے۔