لاک ڈاؤن کر دتا تے دیہاڑی داراں دا نقصان ہوئے گا:وزیر اعظم ـــــــ رویل نیوز

اسلام آباد(نمائندا رویل)وزیر اعظم عمران خان نے کرونا وایرس دی صورتحال نوں مُکھ رکھدے ہوئے پاکستان نوں لاک ڈاؤن کرن دیاں گلاں دا جواب دیندے ہوئے آکھیا کہ جے ایہ کم اسیں کیتا تے غریب تے مزدور طبقا کیہ کرے گا؟اسلام آباد وچ سینئر پرچا کاراں نال کرونا وایرس دی صورتحال بارے گل بات کردے ہوئے دسیا کہ سندھ حکومت نے کراچی وچ لاک ڈاؤن کر دتا اے پر وفاق ایس قدم توں تھوڑا پچھانہ اے۔لاک ڈاؤن کر دتا تے دیہاڑی داراں دا نقصان ہوئے گا۔ ساڈے حالات انج دے نہیں کہ شہراں نوں لاک ڈاؤن کیتا جائے۔ایہدے نال ہسپتال وی متاثر ہو جان گے۔وزیر اعظم دا آکھنا سی کہ کرونا وایرس توں جنگ قوم جتے گی حکومت نہیں جت سکدی۔ کرونا وایرس کھلریا تے مشکل ہو جائے گا۔پرہیز چنگا علاج اے۔