kraamaat@gmail.com
+ +92 333-430-6384


کرونا کیہ اے؟


عاصم پڑھیار March 27, 2020


کرونا کیہ اے ؟

کرونا ایسی وباء اے یارو
علاج جس دا جہان اُتے
ایجاد ہویا اجے نہیں کِدھرے

کرونا ایسی وباء اے یارو
جو ہتھ مِلاون تے کھنگھ کرن توں
یا نِچھاں مارن توں پھیل دا اے
جو سینیٹائزر ڈیٹول,صابن
نوں ورتدا اے ایہ اوس بندے توں دُور راہندائے

کرونا ایسی وباء اے یارو
دیہاڑے چوداں طبیب کہیں نوں ملوم ہوندا
نہیں بھور وی ایہ زُکام نزلے شدید کھانسی
دے نال نِچھاں اُکھڑدے ساہ تے بُخار دھڑکا
جناب پکیاں علامتاں نیں

کرونا ایسی وباء اے یارو
جو ساکاں سیناں عزیزداری
دا قائل نہیں اے ہکّل خوراں
دی لاہم دا اے ہکّل خوری
تے راضی راہندائے
کسے نوں گھر اچ نہ آن دیوو
کسے دے گھر اچ نہ آپ جاوو
آزادی اپنی نوں قید سمجھو
محفوظ جیون گزار جاسو

کرونا ایسی وباء اے یارو
جو گھر کسے دے نہیں آپ جاندا
جے نال ایہنوں نہ کوئی لیجاوے
جو نک تے منہ نوں ولیٹدا نہیں
تے ننگے ہتھیں اوہ پھیرا لاندا
بازار دا اے
وباء نوں جاکے ونگار دا اے
قبیلہ ہتھیں اوہ ماردا اے
وسیب سارا اُجاڑ دا اے

کرونا ایسی وباء اے یارو
خوراک ایہندی عجیب جہی اے
حیاتی بندیاں دی کھاج ایہندا
پرہیز ہکو علاج ایہندا
پرہیز ہکو علاج ایہندا