kraamaat@gmail.com
+ +92 333-430-6384
نمائندا رویل
April 03, 2020
ریاض (اُچیچا نمائندا) سعودی حکومت نے کرونا وایرس وباء دی وجھا توں حفاظتی تدبیراں دے تحت مقدس شہراں مکہ تے مدینہ وچ کرفیو نافذ کر دِتا اے جہدا اطلاق حرم شریف تے مسجد نبوی اُتے وی ہووے گا۔ عرب میڈیا مطابق مکہ تے مدینہ وچ پورے دن لئی کرفیو نافذ کر دِتا گیا اے پر صبح 6 وجے توں تیجے پہر 3 وجے تک شہریاں نُوں دوائی تے کھان پین دیاں شیواں لین لئی گھر توں نکلن دی اجازت ہووے گی پر ایہ رعایت خاندان دے اِک بندے لئی ہووے گی۔ کرفیو دوران ساریاں تجارتی سرگرمیاں تے آوا جائی دے وسیلے بند رہن گے‘ وقفے دوران صرف دوائی تے ضروری شیواں دی خریداری لئی نوجواناں نُوں اجازت ہووے گی۔ بچیاں تے بزرگاں نُوں گھر اُتے ای رہن دی ہدایت کیتی گئی اے۔
