وزیراعظم اپنے غرور تے تکبر اُتے اللہ توں معافی منگن ٭حکومت جھوٹھے نعریاں دی بجائے عملی اقدامات کر کے وکھائے: رانا تنویر ــــــــ رویل نیوز

مریدکے ( چن علی توں) قومی اسمبلی دی پبلک اکاؤنٹس کمیٹی دے چیئرمین تے مسلم لیگ (ن) دے مرکزی آگو رانا تنویر حسین نے کہیا اے کہ وزیراعظم عمران خان اپنے غرور تے تکبر اُتے اللہ تعالیٰ توں معافی منگن تے جھوٹھے نعریاں دی بجائے عملی اقدامات راہیں انسانی زندگیاں نُوں کرونا وایرس دی وباء توں محفوظ بنان۔ اپنے اِک آڈیو پیغام راہیں رانا تنویر حسین نے کہیا کہ نا اہل تے تعصب نال بھرے حکمراناں دے 22 کروڑ لوکائی اُتے ظلم تے ناا نصافی دی سزا پوری قوم کرونا وایرس دے عذاب دی صورت وچ بھگت رہی اے ایس لئی حکمراناں نُوں چاہیدا اے کہا وہ اللہ تعالیٰ توں معافی منگن تاں جے ایہ عذاب ٹل سکے۔