kraamaat@gmail.com
+ +92 333-430-6384


قومی رابطا کمیٹی نے 17 اُڈاناں بحال کرن دی منظوری دے دِتی _____ رویل نیوز


نمائندا رویل April 03, 2020


اسلام آباد (بیورو رپورٹ) وزیر خارجا شاہ محمود قریشی نے کہیا اے کہ وزیراعظم عمران خان دی صدارت ہیٹھ قومی رابطا کمیٹی نے 17 اُڈاناں بحال کرن دی منظوری دِتی‘ کئی پاکستانی بیرون ملکاں توں وطن واپس آنا چاہندے نیں۔ اسیں ایہناں پاکستانیاں نُوں بتدریج واپس لیاواں گے۔ وزیر خارجا نے پوری دنیا وچ وطن واپسی دے اُڈیکنہار پاکستانیاں نُوں واپس لیان دے حوالے توں اہم بیان وچ کہیا اے کہ ساڈی پہلی ترجیح ٹرانزٹ وچ پھسے پاکستانیاں نُوں وطن واپس لیانا اے‘ ساڈی دوجی ترجیح ویزا ایکسپائر ہون والے پاکستانی نیں جد کہ ساڈی تیجی ترجیح بیرون ملک مقیم پاکستانی تے زیر تعلیم‘ واپسی دے اُڈیکنہار پڑھیار اں نُوں واپس لیانا اے‘ 4 توں 11 اپریل تک بین الاقوامی اُڈاناں دے شیڈول دا اعلان کیتا اے۔