دیس وچ کرونا وایرس نال روگیاں دی گنتری2360ہو گئی *  پنجاب وچ وایرس دے حملے ودھ رہے نیں*107روگیاں  دا علاج ــــــ رویل نیوز

کراچی ( اُچیچانمائندا رویل) پورے ملک وچ ہور 145 بندیاوچ کرونا وایرس دی دس پئی اے جہدے بعد ایس وباء نال متاثر روگیاں دی گنتی 2360 ہو گئی اے جد کہ 33 بندے چلانا کر گئے نیں۔ وفاقی وزارت صحت دے کمانڈر اینڈ کنٹرول سینٹر ولوں جاری کردا آنکڑیاں دے مطابق پچھلے 24 گھنٹیاں دے دوران ہور 145 بندیاں وچ کرونا وایرس دی تشخیص ہوئی اے جہدے بعد ایس وباء نال روگیاں دی گنتی 2360 ہو گئی اے۔ ایس وایرس نال زندگی دی بازی ہارن والے بندیاں دی گنتی 33 ہو گئی اے۔ کمانڈ اینڈ کنٹرول سینٹر ولوں جاری کرداآنکڑیاں دے مطابق پنجاب وچ کرونا دے تصدیق شدا روگیاں دی گنتی 914ہو گئی اے‘ سندھ وچ 743‘ خیبر پختونخوا وچ 276‘ بلوچستان وچ 169‘ اسلام آباد وچ 69‘ گلگت بلتستان وچ 187 جد کہ ازادی کشمیر وچ 9 بندے کرونا دا شکار نیں۔پورے ملک وچ کرونا وایرس دے 19 ہزار 15 ٹیسٹ کیتے جا چکے نیں‘ کرونا دے 12 روگیاں دی حالت تشویش جوگ اے جد کہ 107 روگی ہُن تک صحت یاب ہو چکے نیں۔