بجلی،پانی تے گیس دے بِل تِناں مہیناں وچ تارے جا سکدے٭ نقصان سرکار برداشت کرے گی:مشیر خزاناـــــــ رویل نیوز

اسلام آباد (بیورو رپورٹ) مشیر خزانا عبدالحفیظ شیخ نے کہیا اے کہ لوکائی‘ بجلی تے گیس دے بِل 3 مہینیاں وچ ادا کر سکدی اے تے دیر دا نقصان حکومت برداشت کرے گی۔ اسلام آباد وچ تقریب نال خطاب دے دوران مشیر خزانا نے کہیا کہ کرونا نال نال متاثرا بندے دی مدد کیتی جاوے گی‘ ایہدے لئی 1200 ارب دا پیکج دِتا گیا اے۔ سارے فوڈ پراڈکٹِس اُتے ڈیوٹی ختم کر دِتی گئی اے‘ پٹرولیم مصنوعات لئی حکومت نے 70 ارب رُپئے رکھے نیں‘ کاروباری برادری تے صوبیاں دے نال رابطے وچ آں‘ مختلف طریقیاں نال 107 ارب رُپئے ری فنڈ کیتے جا رہے نیں‘ چھوٹے کارخانیاں دے متاثرا ملازماں لئی 100 ارب رکھے جا رہے نیں۔ عبدالحفیظ شیخ نے کہیا کہ لوکائی نُوں بجلی تے گیس دے بل فوری طور اُتے ادا کرن دی لوڑ نہیں‘ بجلی تے گیس دے واجبات 3 مہینیاں وچ ادا کیتے جا سکن گے‘ یوٹیلیٹی بلز جمع کروان وچ دیر دا نقصان حکومت آپ برداشت کرے گی جہدے لئی 100 ارب مختص کیتے گئے نیں۔