جاپان‘ فیوجی کیمیکلز ولوں کرونا دی دوا تیار کرن دا دعوا ٭اویگان ٹیبلیٹ دا کلینیکل ٹرائل شروع : جنجی اوکادا ------ رویل نیوز

ٹوکیو (نیٹ نیوز) جاپان دی معروف تے جگت پدھر دی جانی پچھانی کمپنی فیوجی کیمیکلز نے کرونا وایرس دی دوا تیار کرن دا دعوا کر دِتا اے۔ غیر ملکی خبر اں دے ادارے انوسار ایس پکھ توں فیوجی فلم تویاما کیمیکلز دے صدر جنجی اوکادا نے اعلامیے وچ کہیا اے کہ اوہناں دی کمپنی نے انفلوئنزا اینٹی وائرل ڈرگ دے تیجے فیز وچ تیار کیتی جان والی دوا جہنوں اویگان ٹیبلیٹ دا ناں دِتا گیا اے‘ ایہدا کلینیکل ٹرائل شروع کر دِتا اے۔ ایس دوا دا جنرک ناں فیوی پیراور رکھیا گیا اے ایس دوا نے کرونا وایرس دے خلاف بہترین نتیجے دِتے نیں۔ رپورٹ وچ کہیا گیا اے کہ ایس دوا نے سینٹرل نروس سسٹم دیاں بیماریاں دے خلاف بہتر نتیجے دِتے نیں جد کہ ماضی وچ ایہ دوا سارس دی بیماری دے خلاف وی بہترین نتیجے دے چکی اے پر دوا نُوں جاپانی حکومت دے تعاون نال جگت پدھر اُتے ونڈیا جاوے گا۔