معشیت  دی بھلائی واسطے پنجاب اندر لاک ڈاؤن وچ نرمی٭8وڈیاں صنعتاں کہڑیاں کھولن دی اجازت۔۔۔۔۔۔۔۔۔۔۔۔رویل نیوز

لاہور (نمائندا رویل) عالمی وباء کرونا کرونا وایرس خلاف پنجاب سرکار نے صوبے وچ جاری جزوی لاک ڈاؤن وچ نرمی کردیاں ہویاں گھٹ عملے تے حفاظتی انتظامات دے نال 8 وڈیاں صنعتاں نُوں کھولن دی اجازت دے دِتی اے۔ ابتدائی طور اُتے جہناں صنعتاں نُوں لاک ڈاؤن توں استثنا دِتا گیا اے اوہناں وچ لانڈری تے ڈرائی کلینرز دیاں دُکاناں‘ٹیکسٹائل‘ سپورٹس گڈز‘ فارما انڈسٹری‘ لیدر‘ سرجیکل تے طبی آلات بنان والیاں صنعتاں‘ آٹو پارٹس‘ فروٹس اینڈ ویجی ٹیبلز دیاں شیواں بنان والی انڈسٹری تے میٹ پراڈکٹَس تیار کرن والیاں صنعتاں شامل نیں۔ ایس ضمن وچ جاری سرکاری نوٹیفکیشن دے مطابق لاک ڈاؤن دے دوران ایہناں صنعتاں نُوں کم کرن دی مشروط اجازت دِتی گئی اے تے ہدایت کیتی گئی اے کہ اوہ گھٹ سٹاف تے حفاظتی اقدامات دے تحت کم کر سکن گیاں۔ نوٹیفکیشن وچ خبردار کیتا گیا اے کہ طے شدا قاعدیاں‘ ضابطیاں دی خلاف ورزی اُتے ایہناں صنعتاں تے یونٹاں خلاف کارروائی عمل وچ لیاندی جاوے گی۔ حکومت نے کرونا وایرس دی وجھا توں ایمرجنسی صورتحال وچ معیشت دا پہیا چالو رکھن لئی ایہ قدم چُکیا اے۔