گل استعفے دی اے تے مذاکرات دا کوئی فایدا نہیں:عمران خان

احتجاج تے دھرنے دی اجازت دتی جائے، الیکشن وچ مبینا دھاندلی دیاں تحقیقات لئی تیار آں:وسیلے اسلام آباد(رویل )وزیر اعظم عمران خان نے آکھیا اے کہ گل استعفے دی اے تے مذاکرات دا کوئی فایدا نہیں، میں کسے صورت استعفا نہیں دیواں گا، اوہناں نوں کُھلے دل نال مارچ، احتجاج تے دھرنے دی اجازت دتی جائے، الیکشن وچ دھاندلی دیاں تحقیقات لئی تیار آں۔ وسیلیاں دے مطابق وزیر اعظم عمران خان نال حکومتی مذاکراتی کمیٹی نے ملاقات کیتی۔ ملاقات دوران وزیر اعظم نوں رہبر کمیٹی دے فیصلیاں تے آزادی مارچ دے حوالے نال مولانا فضل الرحمان دے موقف بارے دسیا۔اوہناں دا آکھنا سی کہ وزیر اعظم عمران خان نے آکھیا کہ جے گل استعفے دی اے تے فیر مذاکرات دا کوئی فایدا نہیں۔پر میں استعفا کسے صورت نہیں دیواں گا۔