خواجہ سرا دا دُکھ

ماں!
میں ماں بننا چاہندی ہاں
ابا جی!
مینوں وی ابا بنا دیو
بھینے!
توں مینوں بھین کہہ
ویرا!
توں مینوں ویر کہہ
دُنیا والیو!
مینوں نچنا نہیں آندا
میں نہیں نچنا
مینوں ماریو نہ
میرے اُتے اپنی گندی نظر نہ پانا
میرے لاگے نہ آنا
میرے جسم تے سگریٹ نہ لانا
میرا جسم تے پہلے ای ادھ پچدا اے
میری روح تے پہلے ای زخمی اے
تُسیں ہور زخم نہ دینا
پر مینوں پتااے
میری روح وانگ
میرا جسم وی زخمی کردو گے
دُنیا والیو!
چلو زخم تاں دے دِتے
ہُن لون نہ سُٹو
مینوں مرہم دی لوڑ اے
ماں!
بہت پیڑ ہندی اے
ماں!
میں وی ماں بننا اے
تے ایسا پُتر جمنا اے
جہڑا مرہم لے کے آوے
میرے زخماں تے لاوے
ماں۔۔۔۔۔۔۔۔۔۔۔۔۔!