طالبان  نے امریکا نال امن مذاکرات کیوں ختم کر لئۓ۔۔۔۔۔رویل نیوز

کابل‘ واشنگٹن (این ایل آئی) طالبان نے امریکا نال ہون والے امن مذاکرات وچ طے کیتے گئے قیدیاں دے تبادلے اتے افغان حکومت نال ہون والے مذاکرات ختم کر دِتے۔ قطر وچ طالبان دے دفتر دے ترجمان سہیل شاہین نے سماجی رابطے دی ویب سائٹ ٹوئٹر اُتے بیان جاری کردیاں ہویاں کہیا کہ ٹیم نُوں قیدیاں دی رہائی دے عمل دی تصدیق لئی کابل گھلیا گیا سی تاں جے تصدیق کیتی جا سکے کہ معاہدے دے تحت قیدیاں دی رہائی دا عمل شروع ہویا اے کہ نہیں پر بدقسمتی نال قیدیاں دی رہائی دا عمل اِک واری فیر دیر دا شکار ہو گیااے تے صاف بہانے بنائے جا رہے نیں‘قیدیاں دی رہائی کدی کسے وجھا توں روکی جاندی اے تے کدی کسے وجھا توں پر ہُن قیدیاں دی رہائی دے معاملے اُتے ساڈی ٹیم کسے مذاکراتی عمل دا حصا نہیں بنے گی۔ واضح رہوے کہ چالو سال فروری وچ امریکا تے طالبان نے امن معاہدے اُتے دستخط کیتے سن۔