kraamaat@gmail.com
+ +92 333-430-6384


لوکائی ڈاکٹراں دیاں دسیاں گلاں تے عمل کرن ٭کرونا وباء توں بچاء لئی احتیاط بہت ضروری اے: عارف علوی ـــــــ رویل نیوز


نمائندا رویل April 09, 2020


اسلام آباد (نمائندا رویل) صدر مملکت ڈاکٹر عارف علوی نے کہیا اے کہ کرونا دی خطرناک وباء توں بچاء لئی احتیاط بہت ضروری اے‘ لوکائی نُوں چاہیدا اے کہ حکومت تے طبی ماہرین ولوں دِتیاں گئی گائیڈ لائن اُتے مکمل عملدرآمد کرن۔ صدر عارف علوی نے ایہناں خیالاں دا اظہار گورنر پنجاب چودھری محمد سرور نال ملاقات وچ کیتا‘ ملاقات وچ صدر تے گورنر دوہاں نے ماسک پائے ہوئے سن۔ گورنر پنجاب نے صدر مملکت نُوں کرونا وایرس دے حوالے توں امدادی سرگرمیاں‘ ٹیلی راشن‘ ہیلپ لاین تے ٹیلی میڈیسن سروس بارے بریف کیتا۔ گورنر پنجاب دا کہنا سی کہ حکومت کرونا دے سدباب‘ علاج و معالجے تے ریلیف لئی بھرواں کم کر رہی اے۔