دیپیکا کرونا وایرس وجوں پاکستانی گانا سنن لگی ــــــــــــــــــــــــــــــــــــــــــــــــــــ رویل نیوز

ممبئی (نیٹ نیوز) عالمگیر کرونا وایرس دی وجھا توں لاک ڈاؤن وچ گھراں وچ محصور لوک سوشل میڈیا دا استعمال بُہتا کردے وکھائی دے رہے نیں۔ لوک سوشل میڈیا اُتے اپنے پسند دے کھانیاں دی ترکیب‘ ورزش لئی ٹِپاں‘ فلماں‘ گانے تے اپنے پسندیدا شوز وی تجویز کر رہے نیں۔ ہُن حال و چ بالی ووڈ دی معروف اداکارا دیپیکا پڈوکون نے وی مداحاں نال اپنی پلے لسٹ شیئر کیتی اے جہدے وچ اوہ سارے گانے شامل سن جہڑے اوہ لاک ڈاؤن دے دوران ایہناں دناں سُن رہے نیں۔ دیپیکا پڈوکون دی پلے لسٹ دی خاص گل ایہ سی کہ اوہدے وچ پاکستان دے نامور گلوکار راحت فتح علی خان تے عابدہ پروین دا گانا ”چھاپ تلک“ وی شامل اے۔