kraamaat@gmail.com
+ +92 333-430-6384


دیس وچ کرونا دی تازا صورتحال،پنجاب وچ روگیاں دی تعدا سبھ توں ودھ:ہور جانکاری لئی۔۔۔۔رویل نیوز


نمائندا رویل April 10, 2020


لاہور (نمائندا رویل) پاکستان وچ کرونا وایرس نال مَوتاں دی گنتی 64 ہو گئی جد کہ کرونا وایرس دے کیسز کنفرم کیساں دی گنتی 4457 ہو گئی اے‘ سندھ وچ سبھ توں ودھ 21 ہلاکتاں ہوئیاں نیں‘ خیبر پختونخوا وچ 20 تے پنجاب وچ 17 ہلاکتاں ہو چکیاں نیں۔ کرونا وایرس نال جنگ لڑدیاں ہویاں گلگت بلتستان وچ 3‘ بلوچستان وچ 2 تے اسلام آباد وچ 1 کرونا روگی انتقال کر چکیا اے۔ ہُن تک پنجاب سبھ توں ودھ کرونا دے روگیاں والا صوبا اے جتھے روگیاں دی گنتی 2288 اے‘ سندھ وچ روگیاں دی گنتی 1128‘ بلوچستان 212‘ خیبر پختونخوا وچ 560‘ ازاد کشمیر 28‘ اسلام آباد 102 تے گلگت بلتستان وچ 213 کیسز رپورٹ ہو چکے نیں۔ حکومتی آنکڑیاں مطابق 31 بندیاں دی حالت ماڑی اے پر 572 بندے ایس بیماری نُوں شکست دین وچ کامیاب وی ہوئے نیں۔ اودھر پوری دنیا وچ کرونا وایرس نال ہُن تک متاثرا بندیاں دی گنتی 15 لکھ توں ٹپ گئی اے جد کہ 88550 بندے ہلاک ہو چکے نیں۔ کرونا وایرس کارن ہُن تک سبھ توں مَوتاں اٹلی وچ ہوئیاں نیں جتھے گنتی 17 ہزار 669 ہو گئی اے جد کہ سپین وچ 14ہزار 792 بندے لقما اجل بن گئے نیں۔ کرونا وایرس نے امریکا نُوں ہلا کے رکھ دِتا اے تے مسلسل تیجے دن ہلاکتاں وچ ریکارڈ وادھا ویکھیا گیا تے 24 گھنیاں دوران ہور 1973 بندے چلانا کر گئے نیں۔