سندھ سرکار ولوں بجلی‘ گیس دے بِل بارے وڈا فیصلا۔۔۔۔۔۔رویل نیوز

کراچی (نمائندا رویل) سندھ سرکار نے کرونا وایرس ایمرجنسی ریلیف آرڈیننس دے تحت گھٹ یونٹ والے بجلی تے گیس دے بل معاف کرن دا فیصلا کیتا اے۔ سندھ سرکار نے کرونا وایرس دے کارن ایمرجنسی ریلیف آرڈیننس دا مسودا تیار کر لیا اے‘ محکما قانون سندھ آرڈیننس دا مسودا گورنر نُوں منظوری لئی گھلے گا۔ مسودے دے مطابق کرونا وایرس ایمرجنسی ریلیف آرڈیننس پہلی اپریل توں پورے سندھ وچ نافذ العمل ہووے گا‘ آرڈیننس دے تحت کرونا وایرس نال متاثرا طبقیاں نُوں سماجی‘ معاشی‘ کاروباری ریلیف دِتا جاوے گا۔ مسودے مطابق 260 یونٹ تک بجلی دا بل مکمل معاف ہووے گا جد کہ نجی سکولاں اُتے 20 فیصد فیس کٹوتی لازمی متھ دِتی گئی اے۔