لاہور: چاہ میراں بازار وچ کرونا وایرس دے 17 روگی رپورٹ‘ پورا علاقا سیل .....٭رویل نیوز٭

لاہور (نیوز ڈیسک) شہر وچ کرونا دے وار جاری نیں۔ چاہ میراں بازار وچ مکھن پورا و 17 روگی رپورٹ ہون اُتے پورا علاقا ای قرنطینا وچ بدلدیاں ہویاں سیل کر دِتا گیا اے۔ کرونا کیسز ساہمنے آن اُتے چاہ میرا دے علاقے دے داخلی تے خارجی راہواں اُتے پولیس اہلکاراں نُوں تعینات کر دِتا گیا اے۔ وسیلیاں مطابق علاقے دے 154 گھراں نُوں سیل کردیاں ہویاں مارکیٹاں وی بند کر دِتیاں گئیاں نیں۔ اسسٹنٹ کمشنر تبریز مری دا کہنا اے کہ 100 فیصد لاک ڈاؤن بعد 50 توں ودھ بندیاں دے کرونا ٹیسٹ دے سیمپل لئے گئے جہدے بعد پازیٹو کیسز ساہمنے آن اُتے علاقے نُوں سیل کیتا گیا اے۔