ٹینس دے کھڈاریاں نُوں کرونا وایرس دی وباء کارن کھیڈاں دیاں سرگرمیاں چھڈنیاں پین گیاں: معین الدین ۔۔۔۔۔رویل  نیوز

اسلام آباد/ لاہور (نمائندا رویل) قومی ٹینس کوچ معین الدین نے کہیا اے کہ کھڈاریاں نُوں کرونا وایرس دی وباء دے کارن وقتی طور اُتے کھیڈاں دیاں ساریاں سرگرمیاں ترک کرنیاں ہون گیاں۔ پچھلے دن اوہناں نے اپنے اِک پیغام وچ کہیا کہ موجودا حالات وچ حکومت ولوں احتیاطی تدبیراں اختیار کرنیاں چاہیدیاں اے کیوں جے کرونا وایرس دی وباء پوری دنیا وچ کھلر چکی اے۔ اوہناں نے کہیا کہ ایہ ساڈی سبھ دی قومی ذمے دری اے کہ احتیاطی تدبیراں اُتے عمل کر کے اپنے آپ نُوں تے اپنے گھر والیاں نُوں ایہدے توں بچاؤ۔ اوہناں نے کہیا کہ اسیں گ ھراں وچ رہ کے خُش نہیں آں پر کرونا وایرس دے کارن گھر وچ رہنا ساڈی مجبوری بن چکی اے۔