دیس وچ کرونا دے روگیاں دی تعداد 5374تے 93 جیون دی بازی ہار گئے٭تفصیل جانن لئی۔۔۔۔۔٭رویل نیوز٭

لاہور (نمائندا رویل) پاکستان وچ کرونا وایرس دے کیساں دی گنتی 5 ہزار375 ہو گئی جد کہ ایہدے نال چلانا کرن والیاں دی گنتی 93 ہو چکی اے۔ ملک وچ 4 ہزار 241 کرونا روگی ہُن وی ہسپتالاں وچ علاج ہیٹھ نیں‘ جہناں وِچوں 54 دی حالت ماڑی اے جد کہ 846 روگی ایس بیماری توں صحت یاب ہو کے اپنے گھراں نُوں پرت چکے نیں۔ پنجاب وچ کرونا دے روگیاں دی گنتی 2 ہزار 464 ہو گئیا ے جد کہ ایہدے نال ہلاکتاں 21 ہو گئیاں نیں۔ سندھ وچ کرونا وایرس دے 1421 روگی ساہمنے آئے نیں جد کہ 30 روگی کرونا کارن جان دی بازی ہار چکے نیں۔ پختونخوا وچ کرونا روگیاں دی گنتی 697 اے جد کہ 31 چلانا کر چکے نیں‘ بلوچستان وچ کرونا روگیاں دی گنتی 228 جد کہ 2 بندے چلانا کر چکے نیں‘ گلگت بلتستان وچ 216 روگی تے 3 بندے چلانا کر گئے نیں‘ اسلام آباد وچ 119 کرونا وایرس دے متاثرا روگی نیں جدکہ 1 بندا چلانا کر گیا اے‘ ازاد کشمیر وچ کرونا دے 40 کیس رپورٹ ہوئے نیں۔ دوجے پاسے پوری دنیا وچ کرونا وایرس نال متاثرا بندیاں دی گنتی 17 لکھ 90 ہزار 956 ہو چکی اے جد کہ ایہدے نال ہلاکتاں 1 لکھ 9 ہزار 664 ہو گئیاں نیں جد کہ 12 لکھ 71 ہزار 724 روگی ہُن وی ہسپتالاں وچ علاج ہیٹھ نیں‘ جہناں وِچوں 50 ہزار 545 دی حالت ماڑی اے جد کہ 4 لکھ 9 ہزار 568 روگی ایس بیماری توں نجات پا کے اپنے گھراں نُوں پرت چکے نیں۔ امریکا کرونا وایرس نال سبھ توں ودھ متاثرا ملک اے جتھے 20 ہزار 580 بندے چلانا کر چکے نیں تے 5 لکھ 33 ہزار 115 بندے متاثر نیں۔