لاک ڈاؤن نال کرونا دا مقابلا کیتا جا رہیا اے،اگلے 3 توں 4 ہفتے کرونا بارے اوکھے نیں: فیاض الحسن چوہان۔۔۔۔۔٭رویل نیوز٭

لاہور (نمائندا رویل) وزیر اطلاعات پنجاب فیاض الحسن چوہان نے اپنے پنجاب سرکار ولوں مسیحی بھراواں نُوں ایسٹر دی مبارکباد دیندیاں ہویاں کہیا کہ مسیحی برادری سماجی دوردی دیاں ہدایتاں اُتے عمل کردیاں ہویاں ایسٹر دیاں خُشیاں مناون۔ فیاض الحسن چوہان نے کہیا کہ وزیراعظم دیاں ہدایتاں دے مطابق کلسٹر لاک ڈاؤن دی پالیسی اُتے عمل کیتا جا رہیا اے‘ ہُن تک پنجاب وچ 216 ہاٹ سپاٹ ایریاز نُوں سیل کیتا گیا جد کہ ٹارگٹڈ لاک ڈاؤن نال معمولات نُوں گھٹ توں گھٹ حد تک روکدیاں ہویاں کرونا دا مقابلا کیتا جا رہیا اے۔ صوبائی وزیر نے کہیا کہ بزدار حکومت حالات نُوں ویکھدیاں ہویاں انتظامی فیصلے کر رہی اے‘ لوکائی توں گزارش اے اپنے گھراں تک محدود رہن کیوں جے اگلے 3 توں 4 ہفتے کرونا دے حوالے توں اہم نیں۔