سوشل میڈیا نے ہر شے تباہ کر کے رکھ دِتی: فیروز خان۔۔۔۔ ٭رویل نیوز٭

اسلام آباد (نمائندا رویل) اداکار فیروز خان نے کہیا کہ سوشل میڈیا نے ہر شے تباہ کر دِتی تے لوکاں نُوں اِک دوجے توں دور کر دِتا اے۔ میڈیا رپورٹ مطابق اِک انٹرویو وچ اداکار دا کہنا سی کہ اسیں ٹائپنگ دے اینے عادی ہو گئے آں کہ لوک ایہ سوچ کے کجھ وی لکھ دیندے نیں کہ اوہناں نے بولیا تے نہیں تے ایہدا اوہناں نُوں حساب نہیں دینا پوے گا‘ پر اوہناں نُوں ایس گل دا احساس تک نہیں ہوندا کہ اوہناں دی ایہ تنقید کسے دوجے نُوں کنی تکلیف پہنچا سکدی اے۔ اوہناں نے کہیا کہ ایہو جہے لوکاں لئی سوچ کے دُکھ ہوندا اے‘ اوہناں نفوں ایس گل دا احساس وی نہیں ہوندا کہ کسے دی زندگی مشکل وچ پے سکدی اے۔