صوبے وچ سالانا پرچیاں دا 3 درجاتی شیڈول تیار۔۔۔۔۔٭رویل نیوز٭

لاہور (اچیچا نمائندا) لاہور سنے پورے صوبے دے تعلیمی بورڈاں نے 9 ویں تے 10 سویں دے سالانا پرچیاں دا 3 درجاتی شیڈول تیار کر لیا اے جہڑا حتمی منظوری لئی محکما ہائر ایجوکیشن نُوں گھل دِتا گیا اے۔ شیڈول مطابق پلان اے دے تحت 9 ویں جماعت دے سالانا پرچے 8 مئی توں 20 مئی تک جد کہ پلان اے دے تحت سیکنڈ ایئر دے پرچے 21 مئی توں 12 جون تک منعقد ہون گے۔ ایسے طرحاں پلان بی دے تحت 9 ویں جماعت دے پرچے پہلی جون توں 12 جون تک جد کہ سیکنڈ ایئر دے پرچے پہلی جون توں 12 جون تک کروائے جا سکدے نیں جد کہ پلان سی دے تحت 9 ویں جماعت دے پرچے پہلی جولائی توں 13 جولائی تک تے سیکنڈ ائر دے پرچے 15 جولائی تک لئے جا سکدے نیں۔