مُفتی منیب الرحمان نوں چن نظر نہیں آندا،نِکا جہیا وایرس کتھوں نظر آنا: فواد چودھری ۔۔۔۔٭رویل نیوز٭

اسلام آباد (نیوز ڈیسک) وفاقی وزیر سائنس و ٹیکنالوجی فواد چودھری دا کہنا اے کہ مفتی منیب الرحمان دا احترام اے پر اوہناں نُوں اینا وڈا چن نظر نہیں آندا‘ چھوٹا کرونا وایرس کتھوں نظر آنا اے۔ سماجی رابطے دی ویب سائٹ ٹویٹر اُتے اپنی ٹویٹ وچ وفاقی وزیر فواد چودھری دا کہنا سی کہ مولانا منیب الرحمان ساڈے وڈے نیں تے اوہناں دا احترام وی اے‘ پر اوہناں نُوں اینا وڈا چن نظر نہیں آندا تے اینا چھوٹا کرونا وایرس کِتھوں نظر آنا اے۔ وفاقی وزیر نے کہیا کہ وزارت مذہبی امور دی توجا دلوائی اے کہ تُسیں وزارتی کمیٹی دے آگو او‘ جے حکومتی احکامات دا اج مذاق اُڈاؤ گے تے باقی لوکاں توں کیہ توقع رکھی جا سکدی اے۔ فواد چودھری دا کہنا سی کہ رمضان دا چن 24 اپریل نُوں نظر آ جاوے گا تے پہلا روزا 25 اپریل نُوں ہووے گا‘ پہلے ارادا سی کہ ایس وار چن ویکھن لئی لوکائی نُوں اکٹھا کراں گے‘ پر کرونا نے ہر اجتماع منسوخ کر وا دِتا‘ پر جے اگلے سال موقع مِلیا تے چن رات نُوں تقریب دا انعقاد کراں گے۔