کاشانہ سکینڈل:  پنجاب سرکار دے وزیراں خلاف نعرے بازی۔افشاں لطیف داسیکرٹریٹ ساہمنے احتجاج ۔۔۔۔٭رویل نیوز

٭ لاہور نمائندا رویل) کاشانہ سکینڈل وچ انصاف نہ ملن اُتے افشاں لطیف دا وزیر اعلا سیکرٹریٹ دے باہر احتجاج‘ پنجاب سرکار و چ شامل متعدد وزیراں خلاف نعرے بازی‘ عثمان بزدار دا علامتی پتلا ساڑ دِتا۔ ایس موقع اُتے افشاں لطیف نے میڈیا نال گلبات کردیاں ہویاں کہیا کہ کاشانا سکینڈل وچ انصاف لئی ہر بوہا کھٹکھٹایا پر میری کدھرے وی شنوائی نہ ہوئی۔ سرکاری ملازمین وزیراں نُوں بچان دی مہم زور و شور نال چلا رہے نیں۔ افشاں لطیف نے الزام لایا کہ صوبائی وزیر قانون راجا بشارت کاشانا دی یتیم کڑی اقراء کائنات دے قتل نُوں لُکان دی پوری کوشش کر رہے نیں تے براہ راست ایس کیس اُتے اثر انداز ہو رہے نیں‘ میرے اُتے ہر طرحاں دا دباء پایا جا رہیا اے۔