پاکستان دے معاشی حالات کافی نازک نیں:مشیر برائے تجارت۔۔۔۔٭رویل نیوز٭

اسلام آباد (نمائندا رویل) وزیراعظم دے مشیر برائے تجارت عبدالرزاق داؤد دا کہنا اے کہ کرونا دی وجھا توں پاکستان دے معاشی حالات کافی نازک نیں۔ میڈیا نال گلبات کردیاں ہویاں مشیر تجارت دا کہنا سی کہ ملکی معاشی حالا ت دے حوالے توں عالمی بینک تے آئی ایم ایف نے وی پیشن گوئی کر دِتی اے۔ کرونا دی وجھا توں ایس سال پاکستانی برآمدات وچ 3 ارب ڈالر تک کمی دی اُمیداے۔ اوہناں دا ہور کہنا سی ہ ایس مہینے پچھلے سال دے مقابلے وچ برآمدات 70 فیصد ڈِگ گئیاں نیں۔ کاروباری طبقے دے قرضیاں دی ادائیگی مؤخر کرن دے معاملے اُتے سٹیٹ بینک نال گلبات جاری اے۔اوہناں دا کہنا سی کہ ملکی برآمدات اُتے عاید ٹیکسز تے ڈیوٹیز دا پہلو ختم کر دِتا گیا اے جد کہ ایف بی آر حکام نال برآمدی صنعت دی سہولت لئی گلبات کیتی اے جہدے وچ لیدر‘ پولٹری تے بجلی دے پکھے تے ہور شعبیاں اُتے گلبات کیتی گئی اے۔ مشیر تجارت عبدالرزاق داؤد نے کہیا کہ توقع اے کہ ڈیوٹی ڈرا بیک دے امور اُتے نظرثانی کیتی جاوے گی جد کہ ڈیوٹی ڈرا بیک دا نظام برآمدکنندگان لئی سوکھا بنایا جاوے گا‘ برآمدی صنعت نُوں سہولتاں دین لئی کوشاں آں۔مشیر تجارت نے پچھلے سال کھنڈ دی برآمدروکن بارے سوال دا جواب دین توں گریز کیتا۔