kraamaat@gmail.com
+ +92 333-430-6384


لاک ڈاؤن دے چنگے نتیجے ساہمنے آ رہے نیں:  عثمان بزدار، ٭ پنجاب وچ کرونا ٹیسٹ دی گنتی 10 ہزار تک ودھان دا اعلان۔۔۔۔٭رویل نیوز٭


نمائندا رویل April 16, 2020


لاہور (نمائندا رویل) پنجاب سرکار نے کرونا ٹیسٹ دی تعداد روزانا 10 ہزار تک ودھان دا اعلان کر دِتا اے۔ وزیر اعلا پنجاب عثمان بزدار نے کہیا اے کہ پنجاب بڑی چھیتی 10 ہزار کرونا ٹیسٹ کرن دی صلاحیت حاصل کر لوے گا تے 8 نویاں لیبا رٹریا ں بناون دا کم وی آخری مرحلے وچ اے۔ اوہناں نے دَسیا کہ پنجاب وچ 43 ہزار توں ودھ کرونا ٹیسٹ کیتے جا چکے نیں تے 4500 بستریاں دےفیلڈ ہسپتال وی قایم کر دِتے گئے نیں۔ فیلڈ ہسپتال لاہور‘ راولپنڈی‘ گوجرانوالا‘ سرگودھا تے ہور شہراں وچ بنائے گئے نیں۔ فیلڈ ہسپتالاں وچ بستریاں دی گنتی 10 ہزار تک ودھائی جا سکدی اے۔ اوہناں دا کہنا سی کہ کرونا توں بچاء لئی لاک ڈاؤن دے مثبت نتیجے ساہمنے آ رہے نیں۔