وزیر اعظم نے کرتارپور راہداری دا افتتاح کر دتا

کرتارپور)نمائندا رویل )وزیر اعظم عمران خان نے کرتارپور راہداری دا افتتاح کر دتا۔تفصیل مطابقسکھ مت دے بانی بابا گرونانک دے 550ویں جنم دیہاڑ اُتے سکھ یاتریاں لئی اج توں کرتارپور راہ داری کھول دتی گئی اے۔وزیر اعظم نے تختی دی نقاب کشائی کردے ہوئے کرتار پور راہداری دا باقاعدا افتتاح کر دتا۔وزیر اعظم نے افتتاحی تقریب نال خطاب کردے ہوئے آکھیا کہ سکھ برادری نوں گورونانک جی دی 550ویں سالگرھا مبارک ہوئے۔اوہناں نے آکھیا کہ 10مہینیاں وچ کمپلیکس بنان اُتے ایف ڈبلیو سنے سارے اداریاں نوں خراج تحسین پیش کرنا واں۔مینوں تے پتا ای نہیں سی کہ میری حکومت اینا زبردست کم کر سکدی اے۔عمران خان نے آکھیا کہ جنوراں دے معاشرے وچ انصاف نہیں ہوندا۔ جنوراں وچ ماڑیاں دے حق نہیں ہوندے۔اوہناں د ا آکھنا سی کہ جِنےوی پیغمبر آئے نیں اوہناں نے انسانیت تے انصاف دی گل کیتی،جو لوک وی اللہ دے نیڑے سن،اوہناں نال لوک محبت کردے نیں۔ ایسے نیڑتا نوں ودھاون لئی کرتار پور راہداری کھولن دا فیصلا کیتا گیا اے۔