نعت پاک

نعت پاک
۔۔۔۔۔۔۔۔۔۔۔۔۔۔
چار چفیرے نظریں اوندے سن جد ہول ہنگارے
رحمت بن کے جگ تے آئے ساڈے نبی ؐ پیارے

ہر پاسے ای مہر محبت والے دیوے جگ پئے
نفرت والے ہوون لگ پئے دور دلدر سارے

نعتاں لکھ لکھ بخت سیاہی میں تاں ساری دھو لئی
اوہدے ناں دی خُشبو دے نال اپنے لیکھ شنگارے

چن دو ٹوٹے کیتا اوہناںؐ ، سورج وی پرتایا
عقلوں باہرے کم نیارے ، دُشمن کرن نظارے

کنج بیاناں صفت اوہدی میں اَکھر نہیوں لبھدے
یاسیں ، طہ ، وچ قرآن دے جہنوں رب پکارے

جے منظوری پاون سدھراں جاواں شہر مدینے
پھڑ کے جالی روضے دی میں دھو لاں اوگن سارے

شعر تاں سارے شاعر لکھدے بابرؔ عقلاں موجب
جس وچ ذکر نبؐی دا ہووے اوہ ہندے شہہ پارے
٭٭٭٭٭