فلم نوٹایم ٹوڈائی وچ کجھ وکھراکرنا چاہندی ساں: ہالی ووڈ اداکارا اینا ۔۔۔۔۔٭ رویل نیوز٭

لاس اینجلس (نیٹ نیوز)ہالی ووڈ اداکارا اینا دی ارمس نے آکھیا کہ اوہ جیمز بانڈ سلسلے دی فلم نوٹایم ٹو ڈائی وچ اپنے کردار دے نال کجھ منفرد کرنا چاہندے سن۔ اوہناں آکھیا کہ جدوں اوہناں نُوں اک بانڈ گرل دے کردار دی پیش کش ہوئی تے اوہ حیران ہو گئے سن کیوں کہ فلماں وچ اینے سالاں توں بانڈ گرل نوں ہمشا اک خاص قسم دی خوبصورت سوانی دے طور تے پیش کیتا گیا اے۔ جد کہ اوہ انج دے نہیں نیں، اوہناں آکھیا کہ جدوں اوہناں ہدایت کار کیری فوکنگا نے ایس فلم دی پیش کش کیتی تے اوس ویلے اوہناں دا کردار نہیں لکھیا گیا سی کہ اوہ ای ایہ کردار ادا کرسکدے نیں جو فوکنگا نے اوہناں نوں بیان کیتا سی۔ایہ فلم چالو سال نومبر وچ ریلیز کیتی جاوے گی۔