آئی ایم ایف دی ترقی پذیر ملکاں دے قرضے وچ سہولت دین دا فیصلا، کرونا توں بعد دے معاشی حالات سپدھارن  لئی سبھ کیتا گیا:۔۔۔۔٭رویل نیوز٭

لاہور (رویل نیوز) عالمی مالیاتی فنڈ (آئی ایم ایف) پاکستان سنے 76 ملکاں دے 40 ارب ڈالرز دے قرض 1 سال لئی منجمد کرن اُتے راضی ہو گیا اے۔ آئی ایم ایف ولوں جاری بیان وچ کہیا گیا اے کہ ترقی پذیر ملکاں نے چالو سال 40 ارب ڈالرز دے قرضے واپس کرنے نیں پر کرونا وایرس دی موجودا صورتحال دے پیش نظر ترقی پذیر ملکاں نے آئی ایم ایف توں قرضے منجمد کرن دی درخاست کیتی اے۔ عالمی مالیاتی ادارے دا کہنا اے کہ جی 20 ممالک ایہ قرضے 1 سال لئی منجمد کرن اُتے راضی ہو گئے نیں‘ 40 ارب ڈالرز وِچوں 20 ارب ڈالرز دے قرضے سعودی عرب منجمد کرے گا۔ آئی ایم ایف دے مطابق پاکستان سنے 76 ملک ایس سہولت دا فایدا چُک سکدے نیں۔ آئی ایم ایف دا کہنا اے کہ قرضے منجمد کرن دا مقصد متاثرا ملکاں نُوں صحت تے معاشی مسئلیاں وچ مدد دینا اے‘ مالیاتی ادارے ایہ قرض منجمد کرن۔ پاکستان دی کامیاب معاشی سفارتکارتی دے ثمرات دے حوالے توں وزیر خارجا شاہ محمود قریشی نے کہیا کہ کرونا عالمی وبائی صورتحال نے ترقی پذیر ملکاں دیاں معیشتاں نُوں بُری طرحاں متاثر کیتا اے۔ ایہدے پیش نظر وزیراعظم عمران خان نے عالمی برادری توں تذیر پذیر ملکاں لئی ایل کیتی تے 12 اپریل نُوں خطوط گھلے سن۔ وزیر خارجا نے دَسیا کہ وزیراعظم عمران خان نے اقوام متحدا دے سیکرٹری جنرل‘ عالمی برادری تے عالمی معاشی اداریاں توں اپیل کیتی سی کہ کرونا وایرس دی وجھا توں ترقی پذیر ملکاں دیاں معیشتاں نُوں بُری طرحاں نقصان پہنچ رہیا اے۔ زرمبادلا دی شرح وچ کمی واقع ہو رہی اے جہدی وجھا توں غربت تے بیروزگاری ہور ودھن دا دھرُکو اے۔ ایہناں حالات وچ ضرورت ایس امر دی اے کہ ترقی پذیر ملکاں دے واجب الادا قرضیاں وچ سہولت فراہم کیتی جاوے تاں جے ایہ ملک اپنے وسایل اپنے ہیلتھ سسٹم نُوں بہتر بنان‘ روزگار تے قیمتی انسانی جاناں نُوں بچان لئی استعمال وچ لیا سکن۔ وزر خارج انے دَسیا کہ سیکرٹری جنرل اقوام متحدا نے ایس تجویز دی توثیق کردیاں ہویاں کہیا کہ ایہ ساڈی سوچ دے عین مطابق اے۔ آئی ایم ایف دی منیجنگ ڈائریکٹر تے ورلڈ بینک نے وی ایس تجویز دی توثیق کیتی جد کہ کل جی 20 ملکاں نے وی ایس تجویز دی توثیق کیتی۔ شاہ محمود قریشی دا کہنا سی کہ پاکستان نے ترقی پذیر ملکاں دیاں معیشتاں نُوں سہارا دین دا جہڑا بیڑا چُکیا سی‘ اللہ تعالیٰ نے سانوں کامیابی نال سرفراز کیتا اے۔ اوہناں نے کہیا کہ قرضیاں دی ری سٹرکچرنگ دے ایس اقدام نال پاکستان سنے 76 ترقی پذیر ملکاں نُوں قرضیاں وچ سہولت میسر آئے گی تے ارباں ڈالرز دا فایدا ہووے گا۔ قرضیاں وچ ایہ سہولت ابتدائی طور اُتے 1 سال لئی دین دا فیصلا کیتا گیا اے تے ایہدا اطلاق پہلی مئی توں شروع ہووے گا۔ اوہناں دا کہنا سی کہ پاکستان اپنے ریونیو دا اِک انتہائی حصا قرضیاں دی ادائیگی اُتے خرچ کردا اے‘ قرضیاں دی ادائیگی وچ سہولت ملن اُتے پاکستان نُوں بہت فایدا حاصل ہووے گا۔