سندھ سرکار دی تعریف نال ساڑا کیوں؟ ، جہناں ملکاں وچ مرکزی حکومت تے وزیراعظم دا فارمولا استعمال ہویا:قمر زمان کائرہ 

لاہور (نمائندا رویل) پاکستان پیپلز پارٹی وسطی پنجاب دے صدر قمر زمان کائرہ نے کہیا اے کہ سندھ دی تعریف ہوئی تے وزیراعظم نُوں اگ لگ گئی‘ اج پاکستان دے مزاج والا بندا امریکی صدر اے‘ اوہ وی اپنیاں غلطیاں کوتاہیاں منن دی بجائے گورنرز نال لڑ پیا اے‘ جدوں ملک دا وزیراعظم ہنگامیاں‘ انارکی تے احتجاج دی گل کرے گا تے فیر صوبے دی کہڑا گل سُنے گا؟ اوہناں نے پریس کانفرنس وچ کہیا کہوفاقی اقدامات جہناں وچ کرونا فنڈ چنگا اقدام اے‘ حکومت 12 ہزار فی خاندان نُوں دے رہی اے‘ اسیں اوہدی تعریف کر رہے آں‘ وزیر اعلا سندھ نے چنگے لفظاں وچ وزیراعظم دی تعریف کیتی‘ ایسے طرحاں وزی راعلا سندھ آپ اپنیاں کوتاہیاں دا اعتراف کر رہے نیں‘ چاہندے آں سیاسی پوائنٹ سکورنگ نہ ہووے‘ پر وزیراعظم سندھ سرکار دے پچھے پئے ہوئے نیں‘ سندھ دی تعریف ہوئی تے وزیراعظم نُوں اگ لگ گئی‘ پنجاب تے خیبر پختونخوا دی تعریف کیتی‘ سندھ دی تعریف کردیاں ہویاں کجھ ہوندا سی؟ وزیراعظم تے کابینا جو کر رہی اے اوہ سیاست اے۔ وزیراعظم نے پہلے خطاب وچ کہیا کہ لاک ڈاؤن ہونا چاہیدا اے جد کہ سندھ حکومت لاک ڈاؤن دی پوزیشن لے چکی سی‘ لاک ڈاؤن کرن والے وی قوم دے خادم نیں۔ سندھ دے بعد پنجاب تے خیبر پختونخوا نے لاک ڈاؤن کیتا۔ اسیں جہڑے پیٹرن نُوں فالو کر رہے آں‘ پوری دنیا وچ اوہی پیٹرن استعمال ہویا تے وباء اُتے کنٹرول کیتا گیا۔ جہناں ملکاں وچ مرکزی حکومت تے وزیراعظم دا فارمولا استعمال ہویا‘ اوتھے وباء کھلر گئی‘ جہڑی صورتحال اج پاکستان وچ اے‘ ایسے ماج والا بندا امریکی صدر اے تے اوہ ایہو کم کر رہیا اے‘ اوہ وی اپنیاں غلطیاں کوتاہیاں منن دی بجائے گورنرز نال لڑ پیا اے‘ ایتھے وزیراعظم سندھ سرکار دے پچھے پئے ہوئے نیں‘ ایہ فاشٹ مزاج اے۔ قوم نال خطاب وچ کہیا لاک ڈاؤن نہیں کرنا‘ سندھ نے لاک ڈاؤن کیتا‘ بعد وچ پنجاب تے خیبر پختونخوا وچ لاک ڈاؤن ہویا فیر وزیراعظم نے کہیا کہ جزوی لاک ڈاؤن ہونا چاہید ااے جد کہ کرفیو نہیں ہونا چاہیدا۔ فیر بلوچستان دی تعریف کیتی جد کہ سندھ دے برے وچ اِک لفظ وی ادا نہیں کیتا‘ زبان نہیں گھَس جاندی۔ اوہناں نے کہیا کہ تازا ڈیٹا مطابق 54 فیصد کیسز لوکل ٹرانسمیشن اے یعنی مقامی سطح اُتے کھلرنا شروع ہو گیا اے پر ایہدے اُتے وزیراعظم کَہ رہے نیں کہ جے لاک ڈاؤن ہویا تے ہنگامے ہون گے‘ انارکی کھلرے گی‘ لوک باہر نکل آن گے۔ بھئی ایہ گلاں معلومات دی بنیاد اُتے بند کمریاں دی گلبات ہوندی اے‘ جے ملک دا وزیراعظم قوم نال خطاب وچ ایہ گلاں کرے گا تے فیر صوبائی حکومتاں دی گل کون منے گا؟ فیر علماء‘ تاجر یاں لوکائی کیوں توجا دیوے گی؟ ایہدے وچ شک نہیں اے کہ ساڈے کول وسایل دی کمی اے‘ پہلے ای ملک وچ 25 فیصد لوک روٹی توں تنگ نیں