kraamaat@gmail.com
+ +92 333-430-6384
نمائندا رویل
April 17, 2020
کراچی (نیوز ڈیسک) پچھلے وائس چانسلر ڈاؤ یونیورسٹی آف ہیلتھ سائنسز (ڈی یو ایچ ایس)‘ پروفیسر ڈاکٹر مسعود حمید خان نے پاکستان وچ ناول کرونا وایرس دی وبائیت دے حوالے توں 26 اپریل توں 10 مئی دے 15 دناں نُوں ”خطرناک“ متھ دِتا اے۔ اوہناں دا کہنا سی کہ پاکستان وچ کرونا وایرس دی وباء نُوں 50 دن مکمل ہو چکے نیں۔ امریکا سنے یورپ وچ ایس وایرس دیاں تباہ کاریاں 50 توں 60 دن دے دوران ساہمنے آئیاں سن‘ ایس لئی پاکستان وچ وی 26 اپریل توں 10 مئی تک کرونا وایرس دی وباء بُہتی خطرناک ثابت ہو سکدی اے۔ اپنے اِک ویڈیو بیان وچ اوہناں دا کہنا سی کہ امریکا سنے ہور ملکاں وچ وایرس نال ہون والیاں مَوتاں وی دو توں ڈھائی مہینیاں دے وچکار ساہمنے آئیاں نیں۔
