علماء دی چُپ تے تعاون نُوں کمزوری نہ سمجھیا جاوے،علماء کرام خلاف کارروائیاں تے روکاں لائیاں جاون: حافظ حسین احمد۔۔۔۔۔٭ رویل نیوز٭

اسلام آباد (بیورو رپورٹ) جمعیت علمائے اسلام دے مرکزی ترجمان تے ممتاز پارلیمنٹرین حافظ حسین احمد نے جے یو آئی دے آگو مفتی کفایت اللہ دی گرفتاری دی مذمت کردیاں ہویاں کہیا اے کہ علماء دی خاموشی تے تعاون نُوں کمزوری نہ سمجھیا جاوے‘ مغرب دے ایجنڈے دے وایرس توں متاثر حکمران تے انتظامیا کرونا وایرس دی آڑ وچ مذہبی شعائر‘مسیتاں تے علماء کرام دے خلاف معاندانا کارروائیاں توں اجنتاب کرن تاں جے ملک دے سارے طبقیاں وچ ایکے تے اتفاق دی فضاء قایم ہووے۔ حافظ حسین احمد نے ہور کہیا کہ حکومت اِک پاسے علماء کرام نال تعاون تے اوہناں نُوں اعتماد وچ لین دا ڈھنڈورا پِٹدی اے تے دوجے پاسے نماز جنازا پڑھان تے تشدد تے گرفتاریاں کیتیاں جاندیاں نیں۔