لاہوروچ کرونا وایرس کارن پہلی خُد کشی ۔۔۔۔۔٭ رویل نیوز٭

لاہور (نمائندا رویل) غازی آباد دے علاقے وچ کرونا وایرس دے خوف نال 68 سالا بزرگ شہری حنیف نے اپنے آپ نُوں اگ لا کے زندگی دا خاتما کر لیا۔ اگ لگن دے بعد اوہ موقع اُتے ای دَم توڑ گیا۔ بزرگ شہری دے بارے وچ دَسیا گیا اے کہ اوہ دَمے دا روگی سی پر اوہدے کئی سنگیاں نے اوہنوں کرونا وایرس دا وہم پا دِتا جہدے توں دل ہار کے حنیف غازی آباد قبرستان گیا جتھے اوہنے اپنے اُتے پٹرول ترونک کے اگ لا لئی تے موقع اُتے ای چلانا کر گیا۔ قبرستان وچ موجود اِک شہری نے پولیس نُوں اطلاع دِتی۔