نظم

کیہ اے ساری دُنیا بیلا بن جاوے

ایٹم بمب دیاں پُھلجھڑیاں بن جاون

ونجھلی دے سُر نِکلن ٹینک دی نالی چوں

ایف سولھاں بَس کرتب جوگا رہ جاوے

بندوقاں چوں آوے واج میوزک دی

پِسٹل بن جاوے '' تنبورا'' کاش کدی

گالھاں دی تھاں گانے گاون سبھ لوکی

اک دُوجے نُوں سینے لاون سبھ لوکی

قیدو شیدو مُک جاون ایس دھرتی تُوں

کُجھ ہیراں کُجھ رانجھے باقی رہ جاون

جہڑے دِل نیں سانجھے باقی رہ جاون

افراتفری یکدم میلا بن جاوے

کیہ اے ساری دُنیا بیلا بن جاوے

کیہ اے ساری دُنیا بیلا بن جاوے