پاکستانی کسارے وچ وادھا تے آمدنی وچ کمی ہووے گی: IMF ۔۔۔٭ رویل نیوز٭

اسلام آباد (نیوز ڈیسک) بین الاقوامی مالیاتی فنڈ (آئی ایم ایف) دا کہنا اے کہ کرونا وایرس نال پیدا ہون والی صورتحال نال پاکستان دے ٹیکس ریونیو وچ 895 ارب رُپئے دی کمی دا دھرُکو اے۔ آئی ایم ایف ولوں پاکستانی معیشت دے بارے وچ جاری کردا جامع رپورٹ وچ ہور کہیا گیا اے کہ کرونا ویارس نال پیدا ہون والی صورتحال نال معیشت اُتے مرتب ہون والے اثرات دے کارن کسارے وچ وادھا ہووے گا تے آمدنی وچ کمی ہووے گی۔ رپورٹ وچ ہور کہیا گیا اے کہ 50 ید دہاکے دے بعد پہلی وار شرح نمو منفی رہن دے دھرُکو دا اظہار کیتا گیا اے‘ آئی ایم ایف رپورٹ مطابق چالو ورھے 16 ارب 83 کروڑ ڈالر جد کہ اگلے مالی سال 13 ارب 86 کروڑ ڈالر دیاں بیرونی ادائیگیاں شیڈولڈ نیں‘ پاکستان نے دوست ملکاں دے 7 ارب 90 کروڑ ڈالر واپس کرنے نیں‘ سعودی عرب‘ متحدا عرب امارات تے چین توں پاکستان نُوں ریلیف ملن دا امکان اے۔