انتقام نہیں‘ لوکائی دی مدد ترجیح ہونی چاہیدی اے: مریم اورنگزیب۔۔۔٭ رویل نیوز٭

لاہور (نیوز ڈیسک) مسلم لیگ (ن) دی ترجمان مریم اورنگزیب نے کہیا اے کہ کرونا نال مَوتاں ہو رہیاں نیں تے نیب نُوں شہباز شریف دا غم کھائی جا رہیا اے۔ لیگی صدر دے سارے اثاثا جات بینک اکاؤنٹس قانون دے مطابق نیں۔ تفصیل دے مطابق پاکستان مسلم لیگ (ن) دی ترجمان مریم اورنگزیب نے شہباز شریف نُوں نیب دا نوٹس جاری ہون اُتے ردِعمل دیندیاں ہویاں کہیا کہ لوکاں دے گھراں وچ کرونا نال مَوتاں ہو رہیاں نیں پر نیب نیازی گٹھ جوڑ نُوں شہباز شریف دا غم کھائی جا رہیا اے۔ مریم اورنگزیب نے کہیا کہ شہباز شریف نُوں صرف پاکستان دی لوکائی دی فکر اے‘ اوہناں نُوں نیب نیازی گٹھ جوڑی دی کوئی فکر نہیں‘ جدوں ملک تے دنیا بدترین وباء نال لڑ رہی اے‘ ایس اؤکھے ویلے لوکائی دی مدد ترجیح ہونی چاہیدی اے‘ سیاسی انتقام نہیں۔