موسیقی   نال بے چینی اُتے قابو پا  یا جا سکدا اے: لیڈی گاگا۔۔۔۔٭ رویل نیوز٭

لاس اینجلس (نیٹ نیوز) عالمی وباء کرونا وایرس دے پیش نظر پوری دنیا وچ جاری لاک ڈاؤن نال امریکی گلوکارا لیڈی گاگا دا کہنا اے کہ لاک ڈاؤن دے دوران موسیقی اضطراب اُتے قابو پان وچ مدد گار ثابت ہو سکدی اے۔ لاک ڈاؤن دے دوران اِک میوزک کنسرٹ ’ون ورلڈ ٹو گیدر ایٹ ہوم“ منعقد کیتا گیا جہدے وچ 100 توں ودھ آرٹسٹ فن دا مظاہرا کرن گے۔ ایس میوزک پروگرام دا مقصد کرونا وایرس نال نبڑن وچ مصروف کارکناں نُوں خراج تحسین پیش کرنا اے۔ میوزک کنسرٹ ”ون ورلڈ ٹو گیدر ای ہوم“ وچ لیڈی گاگا نے اپنے معروف گانے ”سمائیل“ اُتے فن دا مظاہرا کیتا۔ لیڈی گاگا دا ایس میوزک شو بارے کہنا اے کہ ایہ پروگرام فن ریزنگ ایونٹ نہیں سگوں کرونا نال لڑن والیاں دا شکریا ادا کرن لئی منعقد کیتا گیا اے۔