kraamaat@gmail.com
+ +92 333-430-6384


کرونا وایرس: پنجاب وچ رمضان بازار نہ لاون دا فیصلا ۔۔۔٭ رویل نیوز٭


نمائندا رویل April 20, 2020


لاہور (نمائندا رویل) صوبائی وزیر اوقاف سید سعید الحسن شاہ نے کہیا اے کہ وزیر اعلا پنجاب سردر عثمان بزدار نے رمضان المبارک وچ مستحق خانداناں نُوں ریلیف دین لئی براہ راست مالی امداد دین دی اصولی منظوری دِتی اے جد کہ کرونا وباء دے پیش نظر پورے پنجاب وچ رمضان بازار نہ لاون دا فیصلا کیتا گیا۔ اوہناں نے کہیا کہ حکومت مستحق خانداناں نُوں رمضان پیکج دے تحت مالی امداد دیوے گی وزیر اعلا عثمان بزدار دی ہدایت اُتے رمضان پیکج دے تحت مالی امداد دا طریقا کار تے ہور امور چھیتی طے کیتے جان گے۔ اوہناں نے کہیا کہ حکومت ودھ توں ودھ لوکاں نُوں ریلیف دینا چاہندی اے۔ موجودا صورتحال دے پیش نظر وزیر اعلا نے لوڑی دیاں شیواں دیاں قیمتاں وچ استحکام لئی اقدامات دی ہدایت کیتی اے۔