چین نے کرونا کھلاریا اے تے نتیجے بھگتے گا: ٹرمپ ۔۔۔٭ رویل نیوز٭

واشنگٹن (نیٹ نیوز) امریکی صدر ڈونلڈ ٹرمپ نے چین نُوں خبردار کیتا اے کہ جے کرونا وایرس دا کھلار جان بُجھ کے کیتا گیا اے تے چین نُوں ایہدے نتیجے دا ساہمنا ضرور کرنا پوے گا۔ وائٹ ہاؤس وچ نیوز کانفرنس کردیاں ہویاں امریکی صدر ڈونلڈ ٹرمپ نے کہیا کہ کرونا وایرس دا کھلار جے غلطی سی تے غلطی‘ غلطی ہوندی اے‘ پر چین جان بُجھ کے ذمے دار اے تے فیر یقینی طور اُتے ایہدے نتیجے بھُگتن لئی اوہنوں تیار رہنا چاہیدا اے۔ اوہناں نے کہیا کہ 1917 دے بعد ایہو جہی کسے نے حالت نہیں ویکھی‘ چین دی ایہ غلطی سی جہڑی کنٹرول توں باہر ہو گئی یاں جان بُجھ کے کیتا گیا؟ دوہاں گلاں وچ بڑا فرق اے۔ ایس بارے مائیک پومپیو نے کہیا کہ کرونا دے کھلار اُتے چینی حکومت نُوں صاف تے جوابدہ ہونا چاہیدا اے۔