جان بیل ولوں کرونا ویکسین نومبر تک تیار کرن دا دعوا۔سبھ توں وڈا چیلنج ویکسین دی ارباں دی گنتی وچ تیاری ہووے گی۔۔۔٭ رویل نیوز٭

لاہور (نیوز ڈیسک) آکسفورڈ یونیورسٹی دے پروفیسر جان بیل نے دعوا کیتا اے کہ کرونا وایرس دی ویکسین اکتوبر‘ نومبر وچ تیار ہو جاوے گی۔ برطانوی حکومت دی ویکسین ٹاسک فورس دے رکن پروفیسر جان بیل نے کہیا کہ کرونا وایرس دی ویکسین دے ٹرائلز اگست دے ادھ تک مکمل ہو جان گے۔ اوہناں نے کہیا کہ ٹرائلز شروع کرن لئی حکومت دی منظوری دا انتظار اے‘ مئی وچ ٹرائلز شروع کر دِتے تے اگست تک ویکسین دی تیاری دے نیڑے پہنچ جاواں گے۔ برطانوی پروفسیر نے ہور کہیا کہ ٹرائلز دے بعد سبھ توں وڈا چیلنج ویکسین دی ارباں دی گنتی وچ تیاری ہووے گی۔یاد رہوے کہ ایس توں پہلاں کئی ملکاں وچ ویکسین دی تیاری لئی 1 سال دا ٹایم دَسیا گیا سی۔