وبائی روگ دے دوران سماجی دُوری ا رکھو گے تاں بندشاں وچ نرمی وی ہوئے گی: وزیراعظم عمران خان

اسلام آباد (بیورو رپورٹ) وزیراعظم عمران خان نے کہیا ا کہ لوک نظم و ضبط دا مظاہرا کرن گے تے بندشاں وچ مرحلا وار نرمی وی ممکن ہووے گی۔ مائیکرو بلاگنگ سائٹ ٹوئٹر اُتے لوکائی لئی جاری اپنے اِک بیان وچ عمران خان نے کہیا کہ وبائی روگ دے دوران سماجی دوری اختیار کیتی رکھو تے جس قدر ممکن ہو سکے اپنے آپ نُوں گھراں تک محدود رکھو۔ اوہناں نے لکھیا کہ جنا لوک اپنے آپ نُوں نظم و ضبط نال آراستا کرن گے اونا ای ساڈے لئی وباء نال نبڑنا سوکھا ہووے گا۔ عمران خان نے کہیا کہ لوک نظم و ضبط نال رہن گے تے بندشاں وچ مرحلا وار نرمی وی ممکن ہووے گی۔ وزیراعظم نے اپنے ٹویٹ وچ شوکٹ خانم ہسپتال دے ڈاکٹراں تے نرساں ولوں دِتا گیا اِک ویڈیو پیغام وی جوڑیا جہدے وچ موجود سارے ڈاکٹراں دا کہنا سی کہ لوکائی گھراں وچ رہ کے کرونا نُوں ختم کرن وچ اپنا کردار ادا کر سکدی اے۔