ملتان:  کرونا پاروں بیمار 22ڈاکٹر صحت مند ہو گئے ۔۔۔٭رویل نیوز٭

ملتان (اچیچا نمائندا) ملتان وچ 22 ڈاکٹراں نے کرونا وایرس نُوں شکست دے دِتی۔ پاکستان میڈیکل ایسوسی ایش دے مطابق کرونا وایرس نال متاثرا ملتان دے نشتر ہسپتال دے 22 ڈاکٹراں نے کرونا وایرس نُوں شکست دے دِتی اے۔ نشتر ہسپتال دے سارے ڈاکٹرز دی کرونا ٹیسٹ رپورٹ منفی آئی اے۔ پی ایم اے دا ہور کہنا اے کہ ایہناں ڈاکٹرز دے دُبارا ٹیسٹ ہون گے۔ رپورٹ دُبارا کلیئر آن دے بعد ڈاکٹراں نُوں ڈسچارج کر دِتا جاوے گا۔ پی ایم اے دے مطابق نشتر ہسپتال دے 2 ڈاکٹر پہلے ای کرونا وایرس توں صحت یاب ہو چکے نیں جہناں نُوں ہسپتال توں ڈسچارج وی کیتا جا چکیا اے۔ دوجے پاسے پنجاب انسٹیٹیوٹ آف کارڈیالوجی وچ ہور 9 ڈاکٹر کرونا دا شکار ہو گئے نیں۔