نیب دا وڈا فیصلا،آٹا کھنڈ سکینڈل تے کارروائی ہووے گی  ۔۔۔٭رویل نیوز٭

اسلام آباد (بیورو رپورٹ) قومی احتساب بیورو نے آٹا تے کھنڈ سکینڈل اُتے کارروائی دا فیصلا کر لیا‘ڈی جی نیب راولپنڈی نُوں اِک مہینے وچ تحقیقات مکمل کرن دے بعد رپورٹ جمع کروان دی ہدایت کر دِتی گئی‘ ارباں رُپئے دی ڈکیتی اُتے نیب چُپ تماشائی دا کردار ادا نہیں کر سکدا‘ قانونی جایزے دے بعد بھرویں‘ جامع‘ ازادانا تے قانون دے مطابق کارروائی کراں گے۔ میڈیا رپورٹاں وچ نیب وسیلیاں دے حوالے توں دَسیا گیا کہ چیئرمین نیب نے چینی آٹا بحران نُوں پرائم میگا سکینڈل دا ناں دِتا اے تے اعلا حکام نُوں ایہدی تحقیقات دا وی حکم دِتا اے جہدی تحقیقات ڈی جی نیب راولپنڈی عرفان منگی دے حوالے کرد ِتی گئی اے۔ نیب حکام مطابق آٹا کھنڈ سکینڈل وچ قومی خزانے نُوں شدید نقصان پہنچایا گیا اے‘ ایہ لوکائی دا پیسا اے تے اسیں ایہدے امین آں۔ دوجے پاسے قومی احتساب بیورو لاہور نے کہیا اے کہ پچھلے وزیر اعلا محمد شہباز شریف دے خلاف آمدن توں ودھ اثاثا جات تے مبینا منی لانڈرنگ دی تحقیقات آخری مرحلے وچ داخل ہو چکیاں نیں پر قومی ادارے نُوں اوہناں ولوں تحقیقات وچ حالے تک عدم تعاون دا ساہمنا اے‘ قومیا دارے دے نال تعدم تعاون کرن دی صورت وچ قانون اپنا راہ اپناون دے حق اُتے ہووے گا۔