kraamaat@gmail.com
+ +92 333-430-6384


چین اُتے کرونا وایرس بارے ٹرمپ دے الزامات رَد،کیہ کسے ملک نے ایڈز کھلارن دا ذمے دار امریکا نُوں متھیا؟: چین ۔۔۔٭رویل نیوز٭


نمائندا رویل April 21, 2020


بیجنگ (نمائندا رویل) چین دا کہنا اے کہ کرونا وایرس بارے امریکی صدر ڈونلڈ ٹرمپ دے الزامات بے بنیاد نیں اسیں ایہناں نُوں رَد کردے آں۔ خبر رساں ادارے مطابق ترجمان چینی وزارت خارجا جنگ شیوانگ دا کہنا اے کہ چین نے کرونا وایرس اُتے قابو پان لئی قربانی دِتی‘ بین الاقوامی ایکے نال ای وباء اُتے قابو پایا جا سکدا اے۔ اوہناں دا کہنا سی کہ 2009 وچ امریکا توں شروع ہون والا ”ایچ ون این ون“ وایرس دنیا دے 214 ملکاں تے سرزمیناں اُتے کھلری‘ امریکا توں شروع ہون والے ایچ ون این ون وایرس نال دنیا وچ 2 لکھ مَوتاں ہوئیاں‘ کسے نے وی امریکا نُوں ایچ ون این ون وایرس دے کھالر دا ذمے دار نہیں متھیا۔