شاعری  کرن دے نال نال  کتاباں وی پڑھ رہی آں: ریشم۔۔۔٭رویل نیوز٭

لاہور(نمائندا رویل)نامور اداکارا ریشم نے آکھیا کہ گھر تیکر محدود ہون بعد شعرو شاعری دے نال کتاباں دا مطالعا وی کررہی آں تے میری خیال وچ تنہائی وچ کتاباں تہاڈیاں بہترین دوست نیں۔ اک انٹرویو وچ اوہناں آکھیا کہ مینوں کتاباں پڑھنا چنگا لگدا اے۔ تے ہن تیکر کئی کتاباں پڑھ چکی آں تے اوہدے توں بہت کجھ سکھیا اے۔ اوہناں آکھیا کہ شعرو شاعری نال لگاو اے ایس لئی آپ وی شعر آکھدی آں۔ جدوں چنگے الفاظ ملدے نیں تے اوہناں نوں اپنے کول نوٹ کرلینی آں۔ ہمیشا دوجیاں بارے مثبت سوچدی آں کیوں کہ مینوں حسد تے بغض توں نفرت اے دوجے میرے بارے کنج دی سوچ رکھدے نیں ایہ اوہناں اتے منحصر اے۔