کل وی آئیں گی کہ نہیں؟

کل وی آئیں کہ گی نہیں؟

ارشاد سندھو

٭٭٭٭٭

لوکاں کولوں لُک لُکا کے

آسے پاسے ویکھ وکھا کے

شامیں ا وسے ٹالھی تھلے

مینوں اپنے کول بٹھا کے

میرے درد ونڈائیں گی کہ نہیں؟

وائے کل وی آئیں گی کہ نہیں؟

٭ ٭ ٭

کلیاں چھڈ کے ٹُر گئے جہڑے

ہیں نی تُوں ایہ سد سنیہڑے

جد کدی وی ویلھ ملے تے

لَے کے سوہنے یار دے ویڑھے

سِدھی دَس دے جائیں گی کہ نہیں؟

وائے کل وی آئیں گی کہ نہیں؟

٭ ٭ ٭

اِکو اِک سبب دِسدا اے

دِسدا اے فِر سبھ دِسدا اے

ویکھن والی اکھ ہووے تے

سجناں وچوں رب دِسدا اے

جگ نوں ایہ سمجھائیں گی کہ نہیں؟

وائے کل وی آئیں گی کہ نہیں؟

٭ ٭ ٭

بلدی رُت وچ ٹھہرن بہانے

کھُوہ تَوں پانی بھرن بہانے

پِنڈ نوں آوندی راہ دے اُتے

ٹورا پھیرا کرن بہانے

اوہنوں نال لیائیں گی کہ نہیں؟

وائے کل وی آئیں گی کہ نہیں؟

٭٭٭٭٭