kraamaat@gmail.com
+ +92 333-430-6384


نیو یارک: میں نیویارک وچ ڈری ہوئی بیٹھی آں،اداکارا میرا دی نویں ویڈیو وچ پاکستانیاں نوں اُچیچا سنیہا۔۔۔۔٭رویل نیوز٭


نمائندا رویل April 23, 2020


نیو یارک (نیوز ڈیسک) لالی ووڈ اداکارا میرا ولوں اِک نواں ویڈیو پیغام جاری کیتا گیا اے جہدے وچ اوہناں نے اپنی پچھلی ویڈیو اُتے وضاحت دِتی اے۔ اداکارا میرا نے اپنے نویں ویڈیو پیغام وچ کہیا اے کہ میں اپنے پچھلے ویڈیو پیغام وچ جہڑی وزیراعظم عمران خان توں وطن واپس لیان دی اپیل کیتی سی‘ پاکستانی ہون دے ناتے ایہ میرا بنیادی حق اے۔ اِک منٹ دی ویڈیو اُتے مشتمل نویں پیغام وچ میرا نے کہیا کہ کجھ لوکاں نے میری پچھلی ویڈو نُوں ایہو جہے بُرے ویلے وچ نواں رنگ دین دی کوشش کیتی تے مذاق جبنایا و بلکل مناسب نہیں۔ اوہناں نے کہیا کہ نیو یارک وچ پاکستانی سفارتخانا میرے حالات توں اگاہ اے‘ تے اوہناں دے تعاون اُتے مشکور آں۔ میرا نے ہور کہیا اے کہ کل وی نیویارک وچ کرونا وایرس نے 500 بندیاں نُوں ہلاک کر دِتا جہدے نال میں شدید خوفزدا آں۔ میرا نے لوکائی توں اپیل کردیاں ہویاں کہیا کہ خدایا ایہ ویلا کسے دا مذاق اُڈان یاں جذبات نال کھیڈن دا نہیں اے۔