پوری دُنیا وچ کرونا روگیاں دی صورت حال تفصیل جانن لئی ۔۔۔۔۔۔رویل نیوز

لاہور/ واشنگٹن (نیوز ڈیسک) پوری دنیا وچ کرونا وایرس نال متاثرا بندیاں دی گنتی 26 لکھ 55 ہزار 360 ہوچکی اے جد کہ ایہدے نال ہلاکتاں 1 لکھ 85 ہزار 66 تک ہو گئیاں نیں۔ کرونا وایرس دے پورید نیا وچ 17 لکھ 42 ہزار 254 روگی ہُن وی ہسپتالاں وچ علاج ہیٹھ نیں‘ جہناں وِچوں 58 ہزار 152 دی حالت ماڑی اے جد کہ 7 لکھ 28 ہزار 40 روگی اللہ تعالیٰ دے فضل و کرم نال ایس بیماری توں نجات پا کے ہسپتالاں توں اپنے گھراں نُوں پرت چکے نیں۔ امریکاکرونا وایرس نال سبھ توں ودھ متاثرا ملک اے جتھے کرونا وایرس نال ہُن تک 47 ہزار 681 بندے مَوت دے مونہ وچ پہنچ چکے نیں جد کہ ایہدے نال بیمار ہون والیاں دی مجموعی گنتی 8 لکھ 49 ہزار 92 ہو چکی اے۔ دوجے پاسے پاکستان وچ کرونا وایرس دے ہُن تک رپورٹ ہون والے کیساں دی کل گنتی 10 ہزر 811 ہو چکی اے جد کہ ایس وباء نال مَوتاں دی گنتی 230 ہو گئی اے۔ ملک وچ 8 ہزار 245 کرونا وایرس دے روگی ہُن وی ہسپتالاں وچ علاج ہیٹھ نیں‘ جہناں وِچوں 60 دی حالت ماڑی اے جد کہ 2 ہزار 338روگی اللہ تعالیٰ دے فضل و کرم نال ایس بیماری توں صحت یاب ہو چکے نیں۔ پنجاب وچ کرونا روگیاں دی گنتی سبھ توں ودھ 4 ہزار 590 اے جد کہ ایہدے نال ہلاکتاں 58 ہو گئیاں نیں۔ ایس توں وکھ ایس خطرناک وایرس نال پورے ملک وچ 253 ہیلتھ ورکرز وی متاثر ہوئے نیں جہناں وچ 124 ڈاکٹر ز‘ 39 نرساں تے 90 ہیلتھ کیئر سٹاف وی شامل اے۔ متاثر ہون والے ہیلتھ ورکرز وِچوں 125 ملک دے مختلف ہسپتالاں وچ علاج ہیٹھ نیں‘ جد کہ 92 آئیسولیشن جد کہ 33 روگی ڈسچارج کر دِتے گئے نیں۔